“Монголын хөрөнгийн бирж” ТӨХК-д бүртгэгдсэн хамгийн отгон компани болох “АйТүүлс” ХК нь нийт хувьцааны 38.86%-ийг буюу 13.4 сая ширхэг хувьцааг олон нийтэд санал болгож анхдагч зах зээлийн арилжааны захиалгыг 2017 оны 11 дүгээр сарын 01-ний өдрөөс өнөөдөр буюу 11 дүгээр сарын 10-ны өдрийн 13:00 цаг хүртэл авч дууслаа.

“АйТүүлс” ХК-ийн анхдагч зах зээлийн захиалгад 1,072 хувь хүн, аж ахуйн нэгжүүд оролцож, нийтдээ 39,786,996 ширхэг үнэт цаасны худалдан авах захиалга өгснөөр захиалга нийлүүлэлтээсээ 3 дахин давлаа.

“АйТүүлс” ХК-ийн үнэт цаас худалдан авах захиалгуудаас 1.0 сая төгрөг хүртэлх үнийн дүнтэй захиалгыг бүрэн биелүүлж, түүнээс дээш давсан дүнтэй захиалгад үнэт цаасыг хувь тэнцүүлэн хуваарилсан бөгөөд Санхүүгийн Зохицуулах Хороонд анхдагч зах зээлийн хуваарилалтын мэдэгдэл хүргүүлээд байна.

МОНГОЛЫН ХӨРӨНГИЙН БИРЖ