“Монголын хөрөнгийн бирж” ТӨХК-ийн Гүйцэтгэх захирлын 2022 оны 10 дугаар сарын 21-ний өдрийн А/124 тоот тушаалын дагуу бүртгэгдсэн “Инвескор ББСБ” ХК -ийн бондын хөтөлбөрийн хүрээнд нийтэд санал болгон гаргаж буй өрийн хэрэгслийн транч 4-ийн 1 жилийн хугацаатай, жилийн 18 хувийн хүүтэй, нэг бүр нь 100,000 /нэг зуун мянга/ төгрөгийн нэрлэсэн үнэтэй, нийт 10,000,000,000 /арван тэрбум/ төгрөгийн үнийн дүн бүхий 100,000 /нэг зуун мянга/ ширхэг өрийн хэрэгслийг Санхүүгийн Зохицуулах Хорооны 2022 оны 11 дүгээр сарын 09-ний өдрийн 605 дугаар тогтоолоор бүртгэж, нийтэд санал болгон арилжаалахыг зөвшөөрсөн. 

“Инвескор бонд 2” хөтөлбөрийн 4-р транчийн өрийн хэрэгслийн анхдагч зах зээлийн арилжааны захиалгыг 2023 оны 06 дугаар сарын 29-ний өдөр хүлээн авч, арилжааг амжилттай зохион байгууллаа.

“Инвескор ББСБ” ХК-ийн нийтэд санал болгосон өрийн хэрэгслийг олон нийтэд арилжаалах үйл ажиллагаанд “Таванбогд Капитал ҮЦК” ХХК үндсэн андеррайтераар ажилласан бөгөөд арилжааны системд нийт 100,000 ширхэг буюу 10,000,000,000 /арван тэрбум/ төгрөгийн үнийн дүн бүхий өрийн хэрэгслийг худалдан авахаар 80 хөрөнгө оруулагчийн 81 захиалга бүртгэгдсэнээр арилжаа амжилттай хаагдлаа.

МОНГОЛЫН ХӨРӨНГИЙН БИРЖ