Монголын хөрөнгийн бирж Сити хөрөнгө оруулалтын банктай хамтран 2013 оны 6 дугаар сарын 20-ны өдөр “Global Depository Notes” сэдвээр танилцуулах арга хэмжээ зохион байгууллаа.

     Үнэт цаасны зах зээлийн тухай хуулийн шинэчилсэн найруулгаар дотоодын үнэт цаасны зах зээлд олон нэр төрлийн бүтээгдэхүүн арилжиж, хөрөнгө оруулагчдад олон төрлийн сонголтыг санал болгох боломжууд нээгдэж байгаагийн нэг нь Хадгаламжийн бичиг буюу Depository Receipts /DR/ юм. Үүнтэй холбогдуулан Хадгаламжийн бичиг /DR/ болон Хадгаламжийн өрийн бичгийн талаарх ерөнхий мэдээлэл өгөх,  Монголын үнэт цаасны зах зээлд Хадгаламжийн өрийн бичгийг буюу Global depository notes-г нэвтрүүлэх боломжийн талаар танилцуулах зорилгоор энэхүү арга хэмжээг зохион байгуулсан болно. Уг танилцуулга арга хэмжээнд Монголбанк, Сангийн яам, Эдийн засгийн хөгжлийн яам, Санхүүгийн зохицуулах хороо, Нийслэлийн засаг даргын тамгын газар, Дэлхийн банк болон арилжааны банкуудын төлөөлөгчид оролцлоо.

     Монголын хөрөнгийн биржийн зүгээс шинэчлэгдэн батлагдсан Үнэт цаасны зах зээлийн тухай хуулийн талаар ерөнхий танилцуулга хийн зах зээлд нээгдсэн боломжууд, ирээдүйн арилжааны дараах бүтцийн талаар уригдсан зочдод танилцууллаа.  

 

 

Мэдээллийн алба

МОНГОЛЫН ХӨРНӨГИЙН БИРЖ