Монголын Хөрөнгийн Бирж (МХБ)-д бүртгэлтэй хувьцаат компаниуд хагас жилийн тайлангаа олон нийтэд нээлттэй танилцуулах үйл ажиллагаанд “Ард Кредит ББСБ” ХК-ийн Гүйцэтгэх захирлын үүргийг түр орлон гүйцэтгэгч Г. Сүхбаатар 2019 оны 8 сарын 8-ны өдөр оролцож тайлангаа танилцууллаа.

Тайлант хугацаанд “Ард Кредит ББСБ” ХК нь 1.1 тэрбум төгрөгийн цэвэр ашигтай ажилласан нь тус компанийн хувьд хагас жилийн хугацаанд хамгийн их ашигтай ажилласан үзүүлэлт болсон байна. Тус компани нь 2019 оны эхний улиралд амжилттай IPO хийснээр хагас жилийн хугацаанд дараах үр дүнгүүдийг гаргажээ. Үүнд:

• Нийт хөрөнгө 18.7 тэрбум төгрөгт хүрсэн нь өмнөх оныхоос 8.2 тэрбум төгрөгөөр буюу 78 хувиар өссөн;
• Цэвэр зээлийн багц өмнөх оноос 5.2 тэр бум төгрөгөөр буюу 70 хувиар өсч 12.7 тэрбум төгрөгт хүрсэн;
• Санхүүгийн цогц үйлчилгээ үзүүлэх Ард Апп-аар дамжуулан нийт 13.7 тэрбум төгрөгийн зээлийг 33,000 гаруй харилцагчдад олгосон байна; 
• Япон улсын Крауд Кредит сантай хамтран ажиллах гэрээ байгуулж, нийт 5 сая долларын санхүүжилт авахаар тохиролцсоны дагуу тайлант хугацаанд гэрээний дагуу гурван удаагийн санхүүжилтийг авсан байна.

“Ард Кредит ББСБ" ХК-ийн олон нийтэд нээлттэй танилцуулсан тайланг бүрэн эхээр нь Энд дарж үзнэ үү. 

МОНГОЛЫН ХӨРӨНГИЙН БИРЖ