Монголын хөрөнгийн биржийн 1-р ангилалд бүртгэлтэй "Говь" ХК нь 2019 оны эхний хагас жилийн санхүү, үйл ажиллагааны тайлангаа Монголын хөрөнгийн бирж дээр 2019 оны 8 сарын 9-ний өдөр олон нийтэд нээлттэй танилцууллаа. Тайлант хугацаанд:
- 2019 оны эхний хагас жилд “Говь” ХК-ийн борлуулалтын орлого өмнөх оны мөн үетэй харьцуулахад 23 хувиар өсч 68.3 тэрбум төгрөгт хүрсэн байна.
- Хонконг болон АНУ-ын Сан Франциско хотод франчайз дэлгүүрээ нээж, гадаад зах зээлээ тэлэв.
- Хамгийн анхны 100% ноолууран нимгэн даавуун хослолыг худалдаанд гаргасан байна.
- 26 жилийн түүхтэй "Гоёо" ХХК-г худалдан авсантай холбогдуулан уг 2 компанийн нэгдэлтэй холбоотой ажил явагдаж байна.
“Говь” ХК нь цаашид энэ онд багтаан дэлхийн 2 дахь том зах зээл болох АНУ-д үйл ажиллагаагаа тэлж, Лос Анжелес хотод зөвхөн онлайнаар борлуулалт хийх зорилготой өөрийн салбар компанийг нээхээр ажиллаж байгаагийн зэрэгцээ Тува, Чиндао, Киев хотуудад франчайз дэлгүүр нээж ажиллахаар төлөвлөж байгаа тухай мэдэгдлээ.
"Говь" ХК-ийн олон нийтэд нээлттэй танилцуулсан тайланг бүрэн эхээр нь Энд дарж үзнэ үү.
МОНГОЛЫН ХӨРӨНГИЙН БИРЖ